Apne bicchade hue kal ke baadal se
Chand puri tarah se nikal nahi paaya
Aasmaan ko puri tarah se mil nahi paaya
Shaayad vo baadal hi the
Jinkee parchhaayi ne
Chand ko aur khoobsurat banaaya
Thoda chanchal aur sharmila sa
Thoda gupt aur saudhaan sa
Shaayad kal hum Chand ko
Samajhaayenge
Ki baadal ke bina bhi
Uski roshni aur chamak sakti hai
Aur vo
Aasmaan ko bhi puri tarah se mil sakta hai
No comments:
Post a Comment
Note: Only a member of this blog may post a comment.