Gubaara (w/ video recitation)

Sirf dil ki sunenge hum
Aisi nadaani baatein karte hum
Dimaak ki kahi na sunenge hum 
Aisa kaha karte the hum 

Magar e dil-e-nadaan 
Tu kyu itni jald banjaata hai gubaara 
Bhardeta hai isme 
Mehekte phool ki aashayein
pahaadon ki khwayishein
Aur unki chhotiyan ke uppar Baadalon mein basey hue khwabein
Surya ka udaya, uski kirne aur laalee tak bhi tu samata hai isme
Aur yeh gubaare ki udaan shakti ke balbute par
har Seema ko pyaar ke liye paar karna chhata hai tuu
Aasman ko chunna chhata hai tu
Taaro ke saath khelna chhata hai tu

Lekin aakhir mein hain tu ek gubaara 
 ek din 
Ek pin
Se phoot jaata hai
Baraste baarish ke aasu behene lagte hai
Samundar ki gehraiyon tak tera dard gunj ta hai 

Shaayad ab to dimaak ki thodi kar kadar 
Jo tumhe yeh dard se bachaana chahata tha
Shayad logo ki asli pehchaan usko thi khabar 
Aur woh karta aaya tumhe saudhaan
Lekin tune uski suni nahi e dil-e-nadaan 

Ab aage jaake dimaak se milkar 
Dil tu logo ko parak 
Unki sachai ko parak 
Unki imaandari ko azma 
Woh kya hai kya nahin 
Tu pehle malum kar

Na ban ja tu gubaara ka ghar
balki utpann kar
Tu khud ke par 
Apni dimaak aur ruh ki taakat ke sang 
Unhe khud tu udna sikha hai teri yeh jang 
Aur phir Pahaadon ki chhotiyan ke uppar baadalon 

Aur un baadalon mein basey hue khwaabon

ko khud ke buniyad bhare pankh se tu kar vistaar 
Aur par kaatne waale se na kar takraar 

Ab tu bada ho ja e dil-e-nadaan
Bann ja tu ab dil-e-hikmat-e-shahanshaan 

https://youtu.be/nVJ-s9eflbw

Do bathak

Do bathak 

Ek ruka hua

Dhoondta raha

Mehnat karta raha

Talaab ki andhiyaare mein doopki maarta raha

Kuch mila

Kuch nahi mila

Lekin uske khoj ke prayaas me

Talaab mein to pheli kaafi lahar 

Phir uska aage ka raasta bana nahi aasaan

Dusra bathak 

Kuch dhoondta nahi raha

Balki chalta raha 

Suraj ki roshni ke sang aage badh ta raha

Na talaab mein pheli lahar ki ashanti 

nirbaadh raha uska aage ka raasta

Talaab ne use dikhaaya raasta

Us hi me use kuch mila 

Kuch nahi mila

Woh sirf chalta gaya

Bahaav ke saath chalta gaya 

Kis bathak ki jeevan shailee 

Par hum anusaran kare

Na hai koi galat 

Na hai koi sahi

Sirf apne apne vikalpo ke anubhav

Ki hai yeh unki chhoti chhoti kahaani

Humari to hai seedhi sadhi zabaani

Yeh kya hai aapki gupt bhari kahaani 

Humari to hai seedhi sadhi zabaani 

Dil ki hai jo yeh daastaani 

Kya aapke manzil ki justaju mein 
zindagi ke raaste mein
Humari baat hai kabhi aage badhaani?
Denge kya aap humme date ya phone call romaani?
Ya phir hum aur deewano ko chance de mastaani?
Kam waqt mein kaise apnapan dikhaake ho gaye anjaani? 
Yu na humme latkaaye o be-rehmaani
Hum nahi hai machhar-daani

Khel humme aate nahi ghumaani 
 Satyata aur saralta 
    ki buniyaad pe hum chalte hai rojaani 
Humari to hai seedhi sadhi zabaani
Dil ki hai jo yeh daastaani 

Kya raaz aap chupa rahe ho (my first Urdu poem)

Zindagi aap se ishq karna chaahati hai
Be-intehaan Mohabbat ke phool barsaana chaahati hai
Lekin aap to zanjiir-e-gham se aazaad nahi ho paate hai 
‘Aalam-e-dard ko aap zindagi jo samaj behttey hai 

Aakhir kya raaz chuppa hai aapke 
Chasm-e-gham ke peeche
Aapke daastaan-e-zamaane ke zakhm ke peeche 
Aapke shakh-e-mohabbat ke peeche 

Thoda koshish kare o humaare sitam-zariif 
  aapke bār-e-gham ko tīra-shab ki gehraiyon mein chhodaaiye
Thoda humari taraf ek nigah kijye 
Aankhon ki ruhaani gehraiyon se rābta kijye
Shaayad aapko jeevan ki khoobsurati dikh jaaye
Chasm-e-Umeed-e-roshni dikh jaaye
Gardish-e-zamaane mein gulshan-e-azal-rubaa ka agosh ho jaaye
‘Aalam-e-Khuda ko pehchaan-e-zindagi maalum ho jaaye

Aap aye nahi

Aap ka intezaar raha een dino 
Lekin aap aaye nahi
Itne kareeb tak aye aap
hamare pados me aye aap
Phir bhi dwaar tak pahunche nahi
Apne Dil se mile nahi 

Go out and play!

Naina Naina 

Go out and play!

The sun wants to hug you today 

The wind wants to make you sway

The birds want to sing to you hello and hey 

The trees want to tell you stories that’ll sweep you away 

And the flowers want to adore you night and day

Naina Naina

Go out and play! 

Rakshabandhan

Premiyon ki daastaein sab ne likhi 
Bhai behen ki kahaani kuch ne hi parkhi
Ye jo bandhan bhi hai janmo ka
Dil ke saathi ka 
Sadiyon se pyaar ka rishta 
Jis pyaar ki gehraiyon ka koi mol nahi 
Jis pyaar ke liye jaan haazir hai 

Jis pyaar mein sab galatfemia mauf hai
Anmol hai yeh bandhan

Ek pavitra aur sabal dhaage ka

Atoot aur gehra hai yeh bandhan

Rakhi ka bandhan 
Bhai behen ka

Suraj ki kirnon mein lipte hue baadal

Suraj ki kirnon main lapete hue baadal mein udh rahe hai hum
Uddte uddhte
Ghazal sunn rahe hai hum, 
Sunte sunte 
yeh sher sunayi jati hai,
“Unki surat nazar aye to ghazal kehte hain” 
To uddhte uddhte
Aapka khayal kar rahe hai hum
Hamare joshiley ghazal ko yaad kar rahe hai hum 
Jinki baahon mein aisa Lagta hain 
Ki suraj ki kirnon me lipte hue baadal hai hum 

Chand nikhar raha hai

Aaj kal Chand thoda nikhar raha hai
Aadhe se thoda badh raha hai
Poore hone ki taraf ja raha hai
Koi khaas jo jald hi milne aa raha hai 

Aaj yahaan baarish zyada baras rahi hai

Aaj yaahan baarish bhi zyaada baras rahi hai

Baadal bhi aapko milne se itne taras gaye the

Ki ab jo aap aarahe ho 

Kitne utsaha me woh garaj rehe hai 

Adhuri kahaani karo puri

Ab to milan ka karo kuch plan
Kab aur kaha yeh karo tum bayaan
Jo baat aadhi hai usko pura karne ka bana lo tum apna nishaan 
Doston aur dusre deewano ko gaayab karne ka karte hain hum elaan 
Taake shaayari ke saath 
Hum dono ka akela hoga jahaan 
Aur yeh adhuri kahaani ko banaayenge hum ek nayi daastaan.

Kya hamaari kahaani

Kya hamaari kahaani
Shuru hone se pehle hi 
Murjha gayi? 
Kya milan se pehli hi 
Jyot bhuj gayi?
Kya humaare paas
Sirf shayaari reh gayi ? 

Dil tu sambhal ja

Aaj kal saans lene ki thodi mushkil hoti hai
Dil jo humaare seene mein tik nahi rehta hai 
Aap jab gupt ho jaate hon
Dil ghabra jaata hai 
Tutne ka phir se darr lagta hai 

Lekin ee dil tu sambhal ja 
Teri sachaayi ka bayaan kitni himmat se tu kar deta hai 
Garv hein humme apne is dil pe 
Dusro ki jaise tu khel nahi khelta 
Apne aap se jhut nahi bolta
Phir tutega to mujhe malum hai
Tu har waqt phir se judh jaata hai 
Dheere dheere 
Tu har waqt phir se aur sabal hota hai 
Aur pyaar karne ki gehraaiyi tumme aur badh jaati hai 
Ab to zindagi par thoda vishwas karo 
Har dard bhari kahani leh aayi hai 
Tumhe koi nayi raha tak 
Koi nayi shuruaat tak 

Ee dil sambhal ja thoda 
Kitna garv hai tum pe 
Apni sachaayi tu bataaye ja 
Is pal meh rehke 
Zindagi ki raha pe tu chal te ja 

Waise hum gairon ke saath nahi the

Waise hum gairon ke saath nahi the
The hum apne doston ke sang
Palko pe woh bhi bithaate hain humein
Farq sirf itna hai ki
Woh kabhi humein chhod nahi denge
Balki humein sambhal lete hain
Jab aap jaise chhod ke chale jaate hai

Apne ban kar gair ban jaate hai

Kaun gair hai kaun apna

Kaun gair hai kaun apna woh toh waqt hi bataayega.
Hamari-aapki kahani ki sirf shuruaat hai abhi 
Haan humare beech shaayari hai, sangeet aur kala ki sarhana hai, ulti seedhi baatein hain, dil ki dhadkane hai, 
Hasee aur mazaak hai
Lekin Milan se pehle yeh Jyot bhuj na jaaye is ka prayaas dono ko karna hoga 
Phir kitna lamba safar hai humara tumhara woh toh waqt hi bataayega
Kaun gair hai kaun apna woh toh waqt hi bataayega 

Alvida kiya aapke sheher ko

Alvida kiya aapke sunhere sheher ko humne
Jahaan ek ek lamhe guzaarein kitne pyaarein humne
Doston ke sang, sheher ki anokhi kahaaniyon aur mahol ke sang
Kitni saari rangeen duniyaon hai basi aapke is sheher me
Laut ke aayenge hum yahaan zaroor
Sapno ki mauj phir se karenge hum zaroor

The dreamy city (New York)

Photograph: Hetal Shah

https://youtu.be/vupzJAk-4JM

Jaana hai aapki dagri

Sapno ke sheher ko
Kar rahe he ab alvida hum
Aapki baahein jo humein
Khich rahi hain waapis apni nagri
Ab to inhi main samaakar
Humein jaana hai sapno ki dagri

https://youtu.be/vupzJAk-4JM

The veiled city (New York)

Photograph and video - Hetal Shah

Aaj kal hum muskurahaatein hai itna

 Aaj kal hum muskurahaatein hai itna
yeh muskaan ke peeche raaz chupi hai
Aapki mithi mithi baaton ka

Yeh neend kya hoti hai

 Yeh neend kya hoti hai
Aapse milkar to hum bhul hi gaye
Sirf Neend ke beena sapne dekh te reh gaye
Vaise bhi us neend ka kya karna
Aur Us raat ka kya karna
Jisme aap shamil na ho

Hum kya hain kya nahin

Hum kya hain kya nahin
Woh to hame malum nahi
Hum to sirf har ek cheez dil se karte hain 
Zindagi ko kareeb se mehsoos karte hain

Kahi bhi chain nahin

Idhar bhi chain nahin 
Udhar bhi chain nahin 
Kya kare is dil ki bekaraari ka 
Aap hi bataaye
Kyu ki hamein to kuch malum nahin

Aur kuch hamein aata nahin

 Haan yeh dil hi to hai

Jo hamey ley chal ta hai

Rahey dikha ta hai

Darkey bhi darta nahin

Kya karey hum

Aur kuch to humein aata nahin

Aur to log kehte hain ki

Ab to bas dil ki mat sunno tum

Rukh jao tum, samjhota karlo

Lekin kya kare hum

Dil ki na sunney hum

To aur bhi kuch to humein aata nahin