Ye shor sab jagah kya hai
Mujhe dekho mujhe pasandgi do
Sunno sunno mujhe sunno koyi
Mein bhi zinda hu
Zinda hone ka koi iqraar to do
Like karo share karo subscribe karo
Mujhe khud ka hone ka ehsaas to do
Tum kaun ho kya hai teri kahaani use hame kya
Bas hame tumhaara hriday ka ek emoji dedo
E humsafar E humraahi
Thoda teher jao
Thoda duniya ke shor se peeche hatt ke
Khud ke saath waqt beetaao
Apni saans ko pehchaano
Rooh ko mehsoos karo
Kya pata
Tumhaare seene mein jo hriday dhadak ta hai
usme hi Khuda dikh jaaye
Jahaan mil jaaye
Khud ke zinda hone ka iqraar mil jaaye
Khud ke hone ka ehsaas ho jaaye
No comments:
Post a Comment
Note: Only a member of this blog may post a comment.